حاجات لو لاحظتيها من خطيبك....تعرفي انه غالبا بنسبه كبيره مافيش بينكم نصيب

كتير منكم حب ومطالش ..و كتير حب ومتجوزش..وكتير اتحب ومحبش...
في الاخير في علاقاتنا بالحبايب وكلامهم معانا بيبان من تصرفاتهم حاجات ساعات بنتغاضي عنها ونقول لا ده ميقصدش..؟؟ لا ده بيحبيني...؟؟لا انا بحبه..
بصي ياختي انتي وهيه الحاجات دي ممكن تكونو عارفينها بس ركزو شويه.
1_هتلاقي اللي بتحبيه مرات ميردش علي التليفون ويتحجج بانه مش فاضي.مع انه كان الاول كل شويه يتصل بيكي .وااااااااه لو مردتيش بسرعه..
2_كل ماتيجي تتكلمي في المستقبل يطنش ويكروت الموضوع ويفتح حاجات تانيه.
3_هتلاقيه الاغلب بيتكلم عن مامته وخايف يزعلها وانها شايفه واحده ومتردد يفاتحها في موضوعك..
4_هتلاقيه كتير اوي بيتلكك ليكي وييقفلك عالواحده ويزعل ويخاصمك كتير وترجعي انتي اللي تصالحيه.
5_كلامه معاكي يبينلك انك مبقتيش فاهماك وانك اتغيرتي وانه بيحاول معاكي.وانتي اللي مبتغيريش.
6_كتير هينسي حاجات عمره مانساها ليكي وكان دايما فاكرها..
7_هتلاقيكي كتير بتصالحي..وكتير بتسامحي..وكتير بتتأسفي.
8_ممكن يجي يفاجئك يوم ويقول انا هخطب قريب ومتزعليش مني انتي واحده تستاهل حد احسن مني..ويحسسنك في نهايه الكلام انك تستاهلي الافضل وياعيني تحسي بتأنيب الضمير.
من الاخر ده لو بيحبك او بتحبك عمرها ماهتتخلي عنك ولا هتتخلي عنها..اللي بيجرح مره بيجرح الف مره..
واللي يبيع حبيبه علشان اي حاجه ولو صغيره هيبيعه طول الزمان..
هتلاقوه بعد مايبعد ويحب او يخطب يرجع تاني .وكلااااااااااااااااااااااااام كتير.
انا لفيت ملقتش زيك.........قلبي مدقش غير ليكي.........انتي الوحيده اللي فهمتيني...........اكتر واحده ساندتني ووقفت جنبي.......الخ
خلاص مبقاش ينفع نندم علي حد باعنا وداس علينا..
الموضوع انا نقلته لانى لقيته مهم جدااا ####