عاوزه شعرك يبقى ناعم وبيلمع خشى هنا ..

انا جيباكوآ وصفه من خبيره تجميل
المهم انا شعرى كيرلى ووحش خالص وحاله يقرف الكلب
كونت باخد تريقه ع شعرى بالهبل بس انا قولتلهم بكرآ يبقى شعرى زي الهنود
وماحدش هيعرف يكلمنى بعد كده 
وماحدش مصدق انو شعرى بس كويس عشان مش اتحسد
انا بطلت اعملها وشعرى رجع معفن تانى

تجيبوآ موزه وياريت تكون مستويه عشان تبقى سهله ف الخلط بس اانا بصراحه حطاها عاديه وعليها معلقتين زيتون ومعلتين عسل ويتخلطوآ ف الخلاط
واحده تيجي تقولى ماانا ممكن أهرسها ماهى كده كده الموزه هتبقى مستويه وطريه اقولها لا يافالحه مهما هرستيها هايبقى فى قطع موز هتضايقك وهتلزق ف شعرك

ويتحطوآ ع شعرك لمده ساعه
بس خلوا بالكوا لازم تحطوا بونيه او كيس ماحدش يسيبها تنشف ع شعره هتتعبكوا ف الغسيل
وبعد ماتعدى الساعه جرى ع الحمام
واغسلى شعرك كويس جدآ وأتأكدى ان لو فى حتت موزه ولا حاجه تكون نزلت
انا بصراحه مش غسلت شعرى كويس عشان كونت مستعجله
بس مش مشكله البركه فيكوا بقى تغسلوه كويس بعد ماتعملوها
وبعد كده نشفت شعرى بالفوطه كويس ولفيته طاقيه بس بصراحه مش كونت ظبطاها
وماحطيتش عليه حاجه لانه اصلا مش محتاج